إضراب

مساء الخير المعبق بشذى القرارات الإستكلوماتيكية ” وما تسألوني شو معناها لأني انا أصلاً مش عارف .. ولو إنتوا عارفين قولولي “

المهمـ : من الأسبوع الماضي سمعنا عن إضراب للمعلمين في الجامعات الفلسطينية من اجل المطالبة بحقوق العاملين ” المهضومة” ، تم الإضراب يوم الإثنين قبل أسبوعين ويوم الثلاثاء الأسبوع الماضي .. ” طبعاً المسؤول عن الإضراب العاملين الذين يطالبون بحقوقهم كما يقولون ” .. لكن بعد أن يعلنوا عن إضرابهم العظيم يأتوا اليوم ليعلنوا ان يوم الخميس أي يوم غد هو يوم تعويض ليوم الثلاثاء ويوم الخميس القادم هو تعويض ليوم الإثنين ” ويوم الخميس طبعاً هو يوم عطلة رسمية لنا “

” يعني الواحد منا مبرمج نفسه على يوم الخميس والجمعة إنهم إجازة فياخد راحته ويدرس ويراجع .. ولكن يأبى الاكارم إلا التنغيص علينا كطلاب “ .. طيب أنا أسأل أصحاب الإضراب ” عطلتم الدراسة يومين من أجل حقوقكم المسلوبة ، واليوم أنتم من تريدون تعويضها ، شو الفايدة بالله عليكم “

من حقنا كطلاب أن يكون يوم الخميس هو يوم إجازة ، وليس من حق أحد أن يحملنا نتيجة إضراباته .. وقراراته الجاااااااااائرة

ثم أنه من المفروض أن الذي يضرب هم الطلاب وليس العاملين لأنه فعلياً ” الطالب هو وحده مهضوم الحق في الجامعات ، وهو الوحيد الذي يتم مص دمه ودم اللي خلفوه “

لا أدري ما هي الحقوق المهضومة لديهم ونحن من يعاني فعلياً وبشدة من :

1.  تخفيض الحد الأدنى لعدد ساعات التسجيل بطلوع الروح وبلآخر بتنزل من 12 ساعة ل 6 ساعات ..

2. أن الطالب الذي يدرس في كلية الطب يدفع 70 دينار ثمن الساعة الواحدة لمتطلب جامعي يدرسه طالب الصحافة والإعلام ويدفع فقط 15 دينار .. ” المفروض أن يتم مساواة ثمن ساعات المتطلبات الجامعة بين جميع الطلاب على اختلاف تخصصاتهم وتبقى ساعات التخصص لها ثمنها الخاص “

3. تفشي فيتامين واو في الجامعات .. ” يعني لو ما عندك حباية فيتامين إن شاء الله حتى عالباب يبقى هتعاني يامسكين .

4.خدمات الطعام للطلاب ” خدمة بدون نجوم ” .. ولا نص نجمة .” الحمد لله إنك جيت يارمضان “

5. أيضاً يعاني الطلاب من بعض المدرسين أصحاب العقد النفسية المستعصية ..” يعني إذا كنت تستحق 95 .. بيتكرم عليك وبيحطلك 80 وبلآخر بتروح تراجع بيقلك .. ” يوم الإمتحان يكرم المرء أو يهان “

فعلاً قرارات إستكلوماتيكية

وخلاص بيكفي ما بدي أوجع راسكم .. ورمضان كريم

لكن ” إستكلوماتيكية شو يعني ؟؟ 😀

13 تعليق to “إضراب”

  1. mohammad online Says:

    السلام عليكم..

    الإستكلوماتية يعني، كيف بدي اشرحليك ياها، يعني فينيك اتقول ..

    طيب أنا مشغول شوي برجع بكمل شرح بعدين😀

  2. عطر البحر Says:

    بصراحة يعني انا متفق معك قلبا وقالبا
    بس مش عارف يعني اسمحلي بالهكلمة شو هالتخلف اللي بالجامعة
    يعني بيعلقو عشان يلبو مطالبهم وبعد هيك بيعوضوا اللي علقوه وبيتفقوا معهم
    شو هالتضادر الفظيع مش عارف

    ربك يفرجها

  3. MoSBaH Says:

    فعلاً …

    ما هو ذنب الطلاب حينما يضرب العاملون والأساتذة في الجامعة فتقوم ادارة الجامعة بتعويض يوم الاضراب بيوم من اجازتنا والتي هي من حقنــــا

    ساعتها شو فايدة الإضراب ….

    ولا كأنه صار اضراب …

    وخصوصا التعويض في شهر رمضان ..

  4. قرفان Says:

    الخلاصة

    إدارة جامعة فاشلة بالكلية ” يعني بشكل كلي ^_^ “..

    نقابة عاملين أفشل ..

    والحمد لله الذي تتم بنعمته الصالحات .. هذه مقولة الطالب التعيس ..

  5. A7mad- مفترق طرق Says:

    بس أنا أختلف معاك يا أخ ” قرفان”😀 يعني إدارة الجامعة مش فاشلة حرام عليك ..” يعني صحيح انا اعترضت على القرار هاد لكن هاد مش معناه انه الغدارة فاشلة ..
    بس إنتا كمان خليتها فاشلة بالكلية … هههههه .” حرام عليك ياراجل ”

    صحيح هناك الكثير من الأمور المزعجة جداً للطلاب التي هي فوق طاقتهم ، لكن ما بيجوز يطلع هالكلام يا أخ ..😀
    ولا يمكن عشان انت قرفان بيطلع منك هيك حكي ..😀 عالعموم شكراً لمرورك
    _______________________________________________________________

    أخ عطر البحر ، mosbah >>
    صراحة لازم يكون في وقفة جامدة من الطلاب .. يعني مثلاً إعلان الإضراب في أيام التعويض .. ولا شو رايكم😀
    مشكورين

    بس المشكلة لحتى الآن ما حدا حكالي شو معنى كلمة ” إستكلوماتيكية ”😀

  6. A7mad- مفترق طرق Says:

    محمد أون لاين …

    أنا عارف إنك إنت عارف إنو لا أنا عارف ولا إنتا عارف شو معناها .. بس حاول حاول خيو😀

  7. OMAR Says:

    والله أنا أعترض على تعويض يوم الاضراب ولكن لا أعترض على مطالبة العاملين بالجامعة بزيادة براتبهم مع انو مش قليل ….

    وأشد على يديك بالمطالبة بحقوقنا المهضومة

    بس أنا مش رايح اليوم عالجامعة وأنت يللي بتنادي بالاعتراض ليش بدك اتروووووووح …

  8. mahmdbk Says:

    اليوم كان لكلية التجارة اجتماع بالطلاب ، وضم الاجتماع عميد الكلية طبعا بالاضافة الي رؤساء الاقسام المختلفة في الكلية….المهم
    لفت نظري من بين كلام العميد انه يدّعي أن “الجامعة والعمادة في دائما في مصلحة الطالب”
    …. لو بدي احكيلك شو المشاكل الي كليتنا وخصوصا ما يسمى ب”التجارة انجليزي” بتعاني منها انا بخلص وما بتخلص المشاكل….
    مثلا (العميد درسنا مادة الفصل الي فات و”ظلمني وظلم الطلاب ايضا” وحط 75 ، قدمت طلب مراجعة ،النتيجة (تم الرفض).
    رحتلو عالمكتب وقللتلو “بدي تنزلي درجة من 75 ال 74 علشان اقدر اعيد المادة بعد هيك”
    .
    .
    كان الجواب لا (لا يجوز ) اعوز بالله
    حراااام..
    ايش بتحكي انتا
    بينفعش
    .(مع انو دايما بتصير بالجامعة ، بس خلص ما في في الطيب نصيب)
    .
    صحيح قصتي على اطراف الموضوع ولكن فقط كنت بدي ابين انو الجامعة مش معنية بمصلحة الطالب بالدرجة الاولى..

  9. OMAR Says:

    أخي mahmdbk كليتنا تبقى ناشئة ولا أنكر مشاكلها والتي وقعت بها والبعض من الكادر التعليمي الذي أتعبني
    شو بدنا انسوي ربنا يحسن الأحوال ويخفضوا ساعتنا ( 25 ) على شو مش عارف ؟؟؟

    المهم ما قلتلنا رأيك بتعويض الاضراب ؟؟؟…… وانتا رايح ولا لا ؟؟؟؟؟؟؟

    تحياتي لك

  10. wAeL89 Says:

    يعني بالله عليك شو بدك نحكي يا أحمد ؟؟؟
    معيي فتح مواجع
    قال بدهم يعوضوا يوم الاضراب , بجد انا مش فاهم ايش هالتخلف هاد .
    هادي نقطة
    بعدين وييييييييييييييييييييييييييييييييييييييييييييييييييين مصلحة الطالب ؟؟
    دخيل النبي , اموووت و افهم وينها
    يا راجل تعال وشوف محاضرات النظري في مبني ال IT بتلاقي 70 واحد في غرفة لا تكاد تتسع ل 50 طالب .
    والله يا شيخ
    انا من جهتي بفكر هيك ال 21 الف طالب وطالبة يضربوا مرة وحدة الفصل الجاي
    لا يدفعوا رسوم ولا يسجلوا
    خلي الجامعة تقف , تبطل تمص من دمنا واعلى ما في خيلهم يركبوه
    والله يا شيخ الكل بيدرس وعارف حاله عدو يا اما بيحمل الشهادة و بيحطها على زجاج البيجو 504 و بيشتغل عليها على الخط
    يا اما بتعلق الشهادة و بتحطها على واجهة عرباية الترمس و تلف فيها الشوارع
    الحكي كتييييييييييييييييييييييييييييرو ما بيخلص
    الى حديث اخر

  11. A7mad- مفترق طرق Says:

    عزيزي wAeL89 شكلك مقهوووور عالآخر . هههههه
    على سيرة الشهادة …
    ما أحلاها وانتا قايلي كمان إنو الواحد يعلق شهادته على سلة قش ويصير يبيع فيها بليلة ..😀
    ______________________________________________________________

    طلبة التجارة E الله يعينكم شكلكم بتعانوا كتير ، والله رسوم ساعتكم غالية . يعني ساعتكم أغلى من ساعت الهندسة تبعتنا ب ” 22″ دينار بس … يابلااااااااااااااش

  12. mahmdbk Says:

    انا بالنسبة الي مش هقدر اروح …
    لانو عندي محاضرة وحدة بس …
    والدكتور حكالنا “انا بعرفش حاجة اسمها خميس”…

    بعدين بالنسبة ل25 دينار
    انا بعد الفصل هدا بيضل عندي 9 ساعات (بطلت فارقة بالنسبة لل25 دينار)، بعد ما اتخرج يخليوها قد ما بدهم…
    حسبنا الله ونعم الوكيل..

    للعلم… انا على معرفة مع احد المدرسين الي” بالساعة ” ، طبعا الي بدرسهو بالتجارة انجليزي
    سعر ساعة التدريس عندهم نفس ساعة التدريس عند العربي ، (مع انها بدها جهد اكبر …)

  13. أبو علي Says:

    السلام عليكم يا جماعة الخير ..

    أنا مش فاهم إدارة الجامعة بستهبلوا ولا بتهابلوا ؟؟

    مش بكفي الجامعة أكلت علينا 3 أيام إجازة ..

    قدمت الدوام أسبوعين .. وأعطونا 10 أيام ..

    وأيام العيد حسبت من الأسبوعين اللي قدموهم ..

    وكسبوا 3 أيام ما بنعطل فيهم ..

    يعني مستحيل يطلعوا خسرانين ..

    بالعكس لازم يطلعوا ربحانين ..

    وقال شو .. لملصحة الطالب !!!

    طيب يا مشايخ يا حبايبنا .. الدنيا رمضان .. مش بكفي احنا بنداوم بالعافية ؟؟

    طيب سامحونا في هاليومين .. وانتو أصلا ماخذينهم منّا .. !!

    الشيء المضحك التاني إنو نقابة العاملين بعتت للمدرسين بالجامعة إنو يا مدرسين يا غلابة ننصحكم بإنكم تتبعوا تعليمات الجامعة وتداوموا بشكل طبيعي يوم الخميس كيوم تعويض!!

    وهي نقابة العاملين أصلا اللي ضغطت على العاملين عشان يضربوا !!!

    بدي أذكركم بشغلة ..

    إنو الدكتور كمالين شعث رئيس الجامعة هو عضو بنقابة العاملين ..

    وبدي أذكركم كمان .. إنو قانونينا يعتبر يوم الخميس يوم دوام إداري وأكاديمي إضافي للامتحانات والتعويض ..

    طولت عليكم سامحوني ..

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: